tantawya-طنطاوية



 
الرئيسيةtantawyaمكتبة الصورس .و .جبحـثالأعضاءالتسجيلدخول

شاطر | 
 

 الاستمرار والتحدي......الدرس الرابع

اذهب الى الأسفل 
كاتب الموضوعرسالة
banota tantawya
مشرفة قسم حواء
avatar

المزاج :
البلد :
انثى الحمل عدد المساهمات : 20
تاريخ التسجيل : 16/09/2011
العمر : 24

مُساهمةموضوع: الاستمرار والتحدي......الدرس الرابع   الجمعة سبتمبر 16, 2011 4:07 pm

يا صباح الفل على القمرات
************
النهاردة عندنا 3 دروس ... الدروس سهلة و بسيطة بس محتاجة البنات الفايقيييييين اللي قتلوا الكسل خلاص بلا رجعة

سؤال بس عالماشي
انتى عندك 70 سنة او فوق ؟؟؟؟؟؟

الاجابة اكيد لأ
طب كويس يعني الحمد لله فيكي نشاط اهه
مادام انتى مش فوق السبعين يبقى بطلي تتصرفي زي اللى فوق السبعين عشان خااااطري
ايه يا جماعة انا تعبانة وانا كسلانة وانا مش قادرة وانا وانا
اييييييييه كلام العواجيز ده !!!!

لو ماكنش فينا نشاط دلوقتي امال هيبقى امتى ان شاء الله؟؟؟؟؟
يا برينسيس انتى شباااااااااااب حرام تضيعي الشباب ده فالكلام الفارغ ده
انتى بتوهمي نفسك انك كسلانة ومش قادرة لكن انتى اصلا تقدري تعملي حاجات كتييييييييييييييييير

خلاااااااااااص هننسى الكسل تماما ونررررررركز بقى ف ان كل واحدة فينا تبقى أنثى بجد وتخلي الناس تتهبل بيها

*****************

هتكلم عن حاجة مش لذيذة خالص
و كلنا بلا استثناء بنكرهها
و كلها مخليانا ولا اللى واخدة 7 بوكسات ف وشها
و بجد بتعمل منظر غبي مستفز

بالظبببببببببببببط هنتك عن الشبح المرعب

الهالات السوداااااااااا

اعووووووووذ بالله بكرهها بكرهها بكرهها بكرههاااااااااااااااااااااا
بس للأسف بتطلعلنا كلنا




بصي يا ستي عشان تحلي ااااااااااااى مشكلة فى الدنيا لازم تعرفي سببها وتقضي عليه تمام ولا لأ ؟؟؟؟؟؟

استنيييييي ماتجريش وتقوليلي بلا اسباب بلا بتاع انا هحط كونسيلر واريح نفسي

مممممممممممممممممم

انا من كارهي الميك اب
و بجد بحب اووووووووووووي ان الناس تقولي ( ما شاء الله انتى زي القمر من غير ولا نقطة ميكب) بذمتكوا مش جملة تشرح القلب كده

موضوع اننا نبقى قمرات قمرات قمرااااااات يعني من غير ميك اب محتاج مجهود
وتعب وانا الصراحة من الناس اللى بتحب تتعب عشان توصل للي هي عايزاه
ده غير ان الكونسيلر بيزود الهالات جدااااااااااااا وبيبهدل الدنيا بجد
*****************
هنعمل دلوقتي حاجة صغيرة

غمضي عينيكي

وارسمي ف خيالك لنفسك صورة من غير الهالات

هاااا عجباكي ؟؟؟؟ اكيد عجباكي

على فكرة ملحوظة كده : في بنات كتييييييير اوي زي القمر بس الهالات مبوظة
وشهم و بتخلي البت تحس نفسها مش جميلة خالص واصلا السبب هو الهالات دي اللى
بتخلينا شبه الزومبي

****************
بصوا بقى
اسباب الهالات السودا كتير
وعلاجها مش ف يومين ولا 3 ولا 4
علاجها بياخد وقت طويل يعني من شهر ل 3 شهور
مش طويل اوى صح ؟؟؟؟؟؟؟؟؟

انا عن نفسي لما مشيت على الكورس ده مع وسام والله والله والله وربنا شااااااااااااهد على كلامي اتحسنت كتير جدااااا يعني

الاسباب : 1- الانيميا طبعا دي لازم تعملي تحليل دم وتعرفي لو عندك انيميا و
لااااازم تتعالجي الكلام ده مش للهالات بس لأ انتى كمان وشك مش بيبقى فيه
حيوية خالص طول ما عندك انيميا لازم تتعاجلي عند دكتور .
2- الجيوب الانفية و دي سبب كبير جدا للهالات عشان بتمنع الدم من انه يوصل
بكمية وفيرة للعين ف بتسبب الهالات لااااازم برضه تروحي لدكتور وتشوفي لو
عندك جيوب انفية او لأ
3- السهررررررررررررررررررررررررر طبعا ده كلنا بلا استثناء بنعمله ... مش
هقولك نامى الساعة 9 واصحي الفجر لأ .... بس حاولي على قد ما تقدري معاد
نومك مايعدين الساعة 12 او واحدة بالكتير و معاد الصحيانك يبقى قبل الساعة
11 الصبح
4- التعب النفسي والعياط الكتير .... طبعا ده بتحسوه كلام وخلاص ... لأ بجد
لما تبقي متوترة و مجهدة نفسيا ده بيخلي الهالات تنط على عينيكي جامد


هنحسن الكلام ده ؟؟؟؟؟ هنحسنه طبعا

اعملي الكشف اللى قلتلك عليه و الموضوع مش هياخد منك نص ساعة تروحي اى
مستشفى تشوفي عندك انيميا او جيوب انفية ولا لأ خليكي نشيييييييييييييطة

هنعمل ايه تانى ؟؟؟

اولاااااااااااا : هتشربي اكتر مشروب انا بمووووووووووووووت فيه

[size=25]الشاي الاخضر


ياسلااااااااااااااام على الروقان

انا بقالي ييجي سنة تقريبا مشربتش شاي عادي نسيت طعمه اصلا

الشاي الاخضر بجد روعة روعة روعة فوايد لا تحصى و فيه مضادات اكسدة دي مفيدة جدا جدا جدا للهالات

هتقوليلي يااااااااي طعمه وحش
لأ مانتى لما تشتريه تشتري باكيتات ليبتون
عشان بجد الشاي الاخضر بتاع ليبتون طعمه حلو اوي و تحطيله معلقة سكر بس
صدقيني هيبقى ادمان عندك
انا بشرب من 2 ل 3 كبايات كل يوم واحسن من الشاي العادي 3884302024 مرة

ثااانيا : والكلام ده للبشرة وللهالات ... السلططططططططططة يا بنات
بجد عيب على انوثتك انك ماتكليش سلطة كل يوم

لازم لازم لازم مع الغدا بتاعك او العشا طبق السلطة المتييييييييييييين
عبارة عن ايه بقى ؟؟؟؟؟؟
( الجزر - الخس - البقدونس - الخيااااااااااااار - الطماطم )

ثالثا : كل يوم علبة زبادي بالعسل ...... دي بقى لو قلت فيها ايه مش
هيكفيها بجد بتفرق مع بشرتك ككل جدااااااااا وادينا ف رمضان اهه يعني
مالكيش حجة نهااااااااائي الزبادي اساسي كل يوم

راااابعا : بعد كل صلاة اعملي ماساج لعينيكي ... ازاى بقى ؟؟؟ بالسبابة
والوسطى تدعكي منطقة العين بصورة دائرية و منطقة الحاجب بحركة طولية ف
اتجاه نمو الشعر

خاااااامسا : دي بقى مجنونة شوية .... عارفة معالق الاكل الكبيرة ؟؟؟؟ عرفاها الحمد لله ....
دي تيجي بالليل قبل ما تنامي وتحطيها ف الفريزررررررررر ... اول ما تصحي
الصبح على طوووول تروحي تجيبيهم وتحطيهم على عينيكي من الناحية اللى طالعة
لبرة دي مش الجزء المقعر لغاية البرودة اللي فيهم ماتروح... انسي بقى
الانتفاخات بعد الحركة دي

سادسا :هاتي كريم Shade Out
من الصيدلية ده وسام كانت بتقول عليه بس عن نفسي حسيته مش جايب معايا نتيجة
واللى بستخدمه دلوقتي كريم (بيرلايت ) ولسه مش عارفة نتيجته ايه بس المهم
تجيبي كريم كويس للهالات وتحطيه كل يوم قبل ماتنامي

سابعا : الكحل والماسكرا اللى انواعهم وحشة بيسببوا الهالات لازم تجيبي
حاجات ماركة نضيفة وطبعاااا لازم مزيل ميكب خاص بالعين مش تنامي وانتى حاطة
الكحل والماسكرا والكونسيلر ووووو و مبهدلة الدنيا كده

أخيرا : وانا حاطة اهم حاجة فى الاخر ... شرب
المااااااااااااااااااااااااااااااااااء ......... انتى لو تعرفي اهمية
الماية لبشرتك كنتي تمشي ف كل حتة ماسكة ازازة ماية ف ايدك
لااااااااااااااااااااازم يا بنات 8 كبايات ماية كل يوم قسميهم زي ماتحبي
بس دي اهممممممممممم حاجة فى الحاجات دي كلها سواء للبشرة او الجسم او
الهالات
********************

بسسسسسسسسسسسسسسس كده

والله يا جماعة الموضوع سهل انا كنت حاساه ف الاول صعب بس بجد رووووووووعة و
مثلا الشاي الاخضر والزبادي والسلطة دي حاجات كده كده هتفيدك ف بشرتك
وجسمك مش الهالات بس

وسام كان ليها جملة بحبها اوى كانت بتقول (أنا أريد اذا أنا أكون ) انتى قوية وتقدري تغيري نفسك وتغيري حياتك 180 درجة والكلام ده كله مش بياخد وقت

No Pain No Gain

لازم تقفي قدام نفسك كده وقفة رجالة وتقرري انك تتغيري و تبدأي تتغيري بجد .... [s]الاستمرااااااااااااار والتحدي والعزيمة \ يا بنات اتحدوا نفسكوا عشان توصلوا للي انتوا عايزينه[
الرجوع الى أعلى الصفحة اذهب الى الأسفل
 
الاستمرار والتحدي......الدرس الرابع
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
tantawya-طنطاوية :: قسم حواء-
انتقل الى: