tantawya-طنطاوية



 
الرئيسيةtantawyaمكتبة الصورس .و .جبحـثالأعضاءالتسجيلدخول

شاطر | 
 

 هتبقى ملكه بعد الحمام الاسبوعى ده....الدرس الثامن

اذهب الى الأسفل 
كاتب الموضوعرسالة
banota tantawya
مشرفة قسم حواء
avatar

المزاج :
البلد :
انثى الحمل عدد المساهمات : 20
تاريخ التسجيل : 16/09/2011
العمر : 24

مُساهمةموضوع: هتبقى ملكه بعد الحمام الاسبوعى ده....الدرس الثامن   الجمعة سبتمبر 16, 2011 5:06 pm

نخش على الحاجة اللى كلكوا بتحبوها وبتموتوا فيها

بالظبببببببببببط العناية بالجسم الرشيق اللولبي بتاعنا

بصي يا ستي
عارفة الحمام الاسبوعي ؟؟؟؟

يعني ايه حمام اسبوعي؟؟
يعني حمام بيتعمل كل اسبوع

العبقرية سمة اساسية فى الدرس ده يا جماعة

ممكن تخليه كل اسبوعين على راحتك انا بعمله كل اسبوع

المهم

اختاريلك وقت محدش محتاج الحمام فيه ويوم لذيذ ف الاسبوع كده وياريت يبقى
يوم جمعة عشان تبقي فاضية وماعندكيش شغل لو بتشتغلي يعني و معندكيش كلية
ولا مدرسة ولا اى حاجة
لو متجوزة و مخلفة يبقى ظبطي جوزك وولادك ف كل حاجة ولما هو يخش يريحله 3 ساعات كده ولا حاجة هنبدأ احنا الشغل الحقيقي

الحمام الاسبوعي ده معركة بكل ما تحتويه الكلمة من معاني اصيلة وعريقة

وقته قد ايه ؟؟؟ ..... مممممممممممم بالكتير اوي ساعتين ونص

ايوة يا جميل هو انك تبقي برينسيس ده ببلاش ولا ايه

اولاااااااااا : الكسوووووووولة و التعباااااااااانة طول اليوم دي و اللى
فوق السبعين سنة ماعتقدش كلامي هيعجبها اوي دي ممكن يجيلها تسمم من الكلام
اللى جاي

سامعة ناس بدأت تخاف و بتلم الماوس والكيبورد وماشية

استني

بصي احنا متفقين على مبدأ
NO Pain NO Gain

صح ولا لأ ؟؟؟

يعني هنعمل المستحيل عشان نبقى ناس نضيفة لنفسنا قبل اى حد

صعب ؟؟ اه الصراحة مش هضحك عليكي واقولك انه سهل هو صعب جدا

بس هتعشقيه لدرجة انك هتقرري تكرريه تانى وتالت ورابع و و و و.. وشهر كده
ولا حاجة و هتبقي طالعة من الحمام مستعدة تتجوزي ف ساعتهااااااا

مقدمة طويلة صح وانا بتكلم كتير .... بس هقولك حاجة قبل ما نبدأ

في ممثلة بتحسي انها زي القمر كده ؟؟؟ كل حاجة فيها متناسقة الوش والجسم و الشعر و و و و

انا عن نفسي بحب (Evangline Lilly)

اللى ف مسلسل Lost
وده ف نظري احسن مسلسل اخترعوه ف تاريخ البشرية

المهم مش موضوعنا
انا بحب بقى كل حاجة فى البنت دي سواء وشها او جسمها او عينيها او شعرها
بسم الله ما شاء الله و دايما كل ما اشوفها اتشجع انى اهتم بنفسي اكتر
واكتر

انتى هتعملي ايه بقى

شوفي مين مثلك الاعلى ف موضوع الاهتمام ده
و هاتى صورتها حطيها باك جروند على الموبايل والكمبيوتر بحيث كل ماتشوفي قد ايه هي تحفة تحمسك تهتمي

انا عااااارفة انهم بيعملوا عمليات كتير بس مش مشكلتي احنا مجرد بنحط حافز لنفسنا عشان مانضعفش

**************
نتوكل على الله ونبدأ

اووووول حاجة احب أقولها الشاور ده مش تأليفي نهااااااااائيا انا اتعلمته
من بنوتات فى المنتدى يعني باخد حبة من دي وحبة من دي وحبة من دي و عملت
الحمام ده بس بجد بدعيلهم كلهم للأسف الشديد مش فاكرة اساميهم بس اللى
فكراه ان واحدة منهم اتعلمت منها كتيييييييييييييييير و معظم الحمام
الاسبوعي من وصفاتها هي

صعب تاخديه ف رمضان استني لما رمضان يخلص وابدأ اعمليه وممكن ليلة العيد
كمان يبقى كويس اوي واهه بالمرة تكوني اشتريتي الحاجات اللى هنحتاجها

مش ضروري تشتري كل اللى هقوله لو في حاجة مش مناسباكي خلاااااص مش مهم سيبيها

هنهتم بايه فى الشاور ده ؟؟؟؟
الشعر والوجه و الايدين والقدمين و الجسم عمومااااااااااا

الادواااااااااات :

بالنسبة للشعر
1- اخلطي دول مع بعض ( م زيت جوزهند - م زيت خروع - معلقة زيت سمسم + م
خميرة فورية وعليهم نقطة خل + معلقة كبيرة حمام كريم مينك بدهن الثعبان)
2- الغسول دا ( م كبيرة روزمارى + معلقة كبيرة زعتر + ماء ساخن زيى الشاى كدا تصبيه على الاعشاب وتنقعيها ساعتين كدا قبلها

الروز ماري والزعتر هاتي على حسب ما تحبي ممكن تجيبي بجنيه من كل واحد او تجيبي اكتر من كده براحتك

و لاااااااااازم الاول تصفيه عشان بيبقى في احيانا اجزاء صغيرة من الزعتر كده وهتشبك ف شعرك لازم تصفيه بمصفاة و يبقى سائل وبس

3- مشط خشب

البشرة :
1- سكرب اصالة ( ده ب 15 جنيه او 20 )
2- الماسك ده ( زبادي + ترمس مطحون + دقيق + ليمون ) ولو بشرتك حساسة بلاش الليمون
3-ماء ورد

الايدين والقدمين

دورق فيه ماية سخنة على قد ما تستحملي وحطي فيه ( زيت زيتون + شبة مطحونة + معلقة صغيرة شامبو او شاور جيل)
2- مبرد خشب ولو عندك عدة الباديكير يبقى تمام اوي
3- الحجر الخفاف
4- فرشة اسنان قديمة
5- سكرب وممكن يبقى سكر +زيت زيتون


الجسم

1- شاور جيل
2- زيت جونسون
3- ليفة مغربي
4- ملح حليب
5- خليط من زيت المسم وزيت الزيتون اخطليهم ف ازازة صغيرة جدا وخليهم عندك


**********************
أوبااااااااااا التتنيح بدأ

عااااااااارفة انها حاجات كتيرة عشان كده قلتلك لو في حاجات ممكن تستغني عنها استغني بس معظم الحاجات مهمة جدا وسهلة على فكرة

انا اول مرة قريت الشاور الاسبوعي ده ومكوناته اتصدمت قلت لييييييييه يعني اعمل كل ده !!!!

بس جربت و اتبسطت بالنتيجة اوي و اديني اهه حفظته كله وبقولهولكوا دلوقتي كمان ^^

هنعمل ايه بقى

هتنطلللللللللقي على الحمام

1- اقلبي شعرك فى الحوض واغسليه بصابونة لمبادا للشعر او نابلسي شاهين
2- اشطفيه و اعملي لنفسك ماساج بغسول الاعشاب 5 دقايق كده
3- اشطفيه ونشفيه بالفوطة و حطي خلطة الزيوت
4- حطي بونيه شهر او حتى كيس بلاستيك ولفي عليه ايشارب

5- اغسلي وشك بالصابونة بتاعتك سواء ( داي لايت - سموز فيس - مون فيس ....
الخ ) و بعدين حطي على وشك سكرب اصالة وتدلكي بالراااحة و بعدين تغسليه
وتحطي الماسك اللى قلنا عليه
6- سيبي الماسك ف حاله واغسلي الاندر القديم و شوفي لو هتعملي المنطقة الحساسة اعمليها

7- نخش بقى على الايدين والقدمين هتحطي رجليكي ف الدورق اللى اتفقنا عليه و
هاتى طبق صغير فيه نفس المكونات وحطي ايديكي فيه وده لمدة ربع ساعة او تلت
ساعة على قد ما تقدري

8- لما تخلص المدة دي تغسلي ايديكي ورجلك وتعملي الاتنين بسكرب زيت الزيتون
والسكر ولو عندك ماسك تفتيح للايدين حطيه معندكيش مش ضروري

9- اعملي رجلك بالحجر الخفاف ونضفي الضوافر بفرشة الاسنان القديمة

10- طبعا ضوافر ايديكي يتعملوا بالمبرد وشيلي الجلد الميت بالة الازالة بتاعته

11- موضوع الايدين والرجلين ممكن تعمليه برة الحمام لو عايزة عشان الادوات ماتتبلش

12 - هنبدأ بقى الشاور الحقيقي بقى ... شيلي الايشارب من على شعرك وسيبي
البونيه و انزلي تحت الدش اشطفي جسمك بماية دافية شوية و اغسلي جسمك كله
بصابونة الكبريت وخصووووووووووووووووووووصا الابط وطبعا من غير ليفة

13- هاتى ملح الحليب والليفة المغربي وادييييييييها بقى دعك ف جسمك لغاية
ما الجلد الميت كله ينزل وتحسي بالنضااااااااااافة والنعووووووووومة واشطفي
جسمك

14-نشفي جسمك بالفوطة بالراحة مش ضروري يبقى ناشف اوي ودلعععععععععي نفسك
بزيت الماساج اللى هو زيت السمسم وزيت الزيتون دلكى جسمك كله

15- سيبي الزيت 5 او 10 دقايق وبعدين انزلي تحت الدش تانى وشيش البونيه واغسلي شعرك بالشامبو اللي تحبيه ويفضل شامبو جونسون

16- اغسلي جسمك بالليفة الوردة و الشاور جيل كويس

17- لو عندك غسول للمنطقة الحساسة اشطفيها بيه خاااريجا يعني ماتدخليش حاجة
جوة من برررررة كده وبس ولو معندكيش غسول للمنطقة يبقى اشطفيها بكربوناتو
مضاف اليها ملح ومخلوطين مع بعض ف دورق فيه ماية دافية

18- على كل ماتنشفيش جسمك لسه حطي زيت جونسون التحححححححححفة بتاعنا على كل جسمك والمنطقة الحساسة كمان

19 - حطي على جسمك بودرة معطرة ولو معندكيش رشي بادي اسبراي على خفيف

20 - البسي هدومك واطلعي من الحمام حطي على وشك كريم مرطب و سرحي شعرك باي كريم تحبيه و حطي زبدة كاكاو ورطبي ايديكي

حمام الهنااااا يا باشاااااااااااا

**************

ببببببببببببببببببببس كده

شفتوا حاجات قليلة ازاى

ههههههههههههههههههههه انا عارفة انه صعب بس مع التعود بيبقى سهل
جدااااااااا جدااااااااااااااا مش ضروري تعمليه كله سيبي اللى مش محتاجاه
بس هو بجد حمام الهنااااااااا يعني

أكرررررررررررر الحمام ده مش اختراعي نهائيا انا اتعلمته من بنانيت فى
المنتدى هنا و في واحدة منهم ييجي نص الشاور او تلت تربعو اتعلمته منها
ياريتني افتكر اسمها بجد
الرجوع الى أعلى الصفحة اذهب الى الأسفل
 
هتبقى ملكه بعد الحمام الاسبوعى ده....الدرس الثامن
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
tantawya-طنطاوية :: قسم حواء-
انتقل الى: