خلطة محشي جنااااااااااااااااااان، تعالي دوقي

شوفي يا ستي دي شوية ملاحظات خلي بالك منها:
1- الخضرة لازم تكون كتيرة شوية
2- لا ترمي اعواد الخضرة الزيادة بعد تنظيفها
3- بلاش تسبيك خالص
4- اضافة الثوم للطماطم في الخلاط
5- استخدمي النعناع الجاف في الخلطة
6- اذا كنت بتستخدمي حلة الومنيوم حطي تحتها شياطة
ندخل بقى على الوصفة بالتفصيل:
المقادير دي لعمل 2 كيلو باذنجان..........
2 حزمة كسبرة خضراء
1 حزمة بقدونس
1 حزمة شبت
4 ملعقة صغيرة ملح
1/2 ملعقة توابل (اي اقل من ملعقة صغيرة) فلفل اسود
2 ملعقة توابل( بهارات)
1/2 ملعقة توابل (كمون)
2 ملعقة توابل( كسبرة ناشفة)
5 ورقات نعناع اخضر جاف
حوالي نصف كوب زيت ذرة
4 كوب ارز
1 ثمرة بصل كبيرة
حوالي 5 حبات طماطم طرية
1 ملعقة ثوم طازج مفروم
2 كيلو باذنجان ابيض
4 ثمرات فلفل رومي
الطريقة:
1- نظفي الخضرة عود عود واقطعي الجزء السفلي من العود بحيث يصبح الجزء المتبقي منه مع الاوراق قصير الى حد ما
2- اغسلي الاعواد اللي فصلتيها لوحدها والاوراق لوحدها
3- ضعي اعواد الخضرة في قاع الحلة اللي هتعملي فيها المحشي وحطي عليها شوية زيت ذرة حوالي معلقتين كبار
4- اغسلي الارز ثم ابشري البصلة وحطيها عليه
5- قطعي الخضرة بالسكينة وضيفيها للارز
6- اضربي الطماطم مع الثوم في الخلاط مع قليل جدا من الماء بحيث يكون الخليط غليظ القوام
7- ضيفي كل التوابل على الارز
8- ضيفي الزيت على الارز
*اخلطي كل المكونات مع بعضها جيدا ثم ابتدي بحشو الباذنجان والفلفل الرومي ورصيهم في الحلة فوق اعواد الخضرة
*بعد الانتهاء من
الحشو ضيفي كمية من شوربة الدجاج المغلية حوالي 3 كوب منها او لحد ثلث
الحلة، اذا كان ملح الشوربة قليل يجب اضافة 2 ملعقة توابل ملح اليها.
*ارفعي الحلة على النار لحد ما تغلي كويس وبعدين خففي النار بحيث تظل تغلي وغطيها واتركيها تستوي على نار هادية لمدة حوالي ساعة
*بعد ما يستوي المحشي فرغي الشوربة الزيادة من الحلة
*اغرفي المحشي وبالهنا والشفا.
مستنية رأيكم يا ريت حد يجرب ويقولي، بجد والله مش هتندموا خالص يا رب تعجبكم، و ما تنسوش الاستفتاء.