banota tantawya
مشرفة قسم حواء
المزاج : 
البلد : 
  عدد المساهمات : 20
تاريخ التسجيل : 16/09/2011
العمر : 30
 |  موضوع: يلا يابنات معايا للدرس التانى  الجمعة سبتمبر 16, 2011 3:30 pm | |
| اقتنعتي انك جميلة أخيرا ؟؟؟؟
أحمدك يااااااااااااااارب
بصي بقى يا برينسيييييييييييس
بعد ما اقتنعتي انك أجمل جميلات العالم
لازم دلوقتي تعرفي يعني ايه نضافة
ايووووووووة النضافة ليها معنى برضه
اوعي تقوليلي لالالالالالالالالالا انا نضيفة اوووووووووووووى و بستحمى بالليفة والصابونة وبغسل شعري بالشامبو
حلااااااااااااااااوتك
احنا لازم نتفق على كذا حاجة كده بالنسبة لموضوع النضافة ده
ساعات كده أكون بتفرج على التليفزيون وأبص على مسلسل أجنبي ولا فيلم أجنبي ولا أى حاجة أجنبية
سبحاااااااان الله حتى الشحاتين عندهم شكلهم نضيف جدا !!!!!!!!
عليهم كمية نضافة الناس دي لما تحسي انك هتعيطي خلاص
بصوا يا جماعة الناس دي بتستحمى كل يووم الصبححححححححححححححح
عندهم اللى ينزل شغله ولا مدرسته ولا كليته من غير الشاور الصباحي ده يبقى سوري فى اللفظ " مش نضيف "
لأ وايه تخيلي
يلا يابنتي تخيلييييييييي
دول بيستحموا مرتين فى اليوم
ايوووواااا شفتي بقى ؟؟؟ أينعم مش كلهم بس كتير منهم بيستحموا مرتين ( وهو
ده الصح ) مره الصبح ومرة قبل النوم يعني صاحية نضيفة نايمة نضيفة
بس المعروف ان الجميع بياخد شاور كل يوم الصبح
الشاور الصبح ده بيبقى بسيييييييييط جدا عشان لسه صاحيين من النوم فمحتاجين
مجرد حاجة تفوقنا كده خصووووووووووصا فى الصيف ده انتى لو نايمة ف تكييف
بتبقي صاحية بتشررررررري عرق
الصراحة يا جماعة صيف شتا لازم الشاور الصباحي ده بجد لازم نبقى برينسيسات نضاف كده امال ايه لازم نبقى زي الاجانب فى النقطة دي
!!!
بجد دي حاجة مقدسة هناك و دي حاجة كويسة جدا طبعا وياريتنا بنقلد الاجانب فى الحاجات اللى من النوع ده
يا جماعة النضافة كنز لا يفنى صدقوني
هتعملي ايه فى الشاور ده ؟؟؟؟
عااادي جدا هتصحي كده زي القمر من النوم زي أي أميرة بتحترم نفسها وتتمطعي
بكل رقة وانوثة هههههههههه و تدخلي حمامك تكوني من بليل مجهزة هدومك بتاعت
تانى يوم
تفتحي الماية الدافية الجميلة وتغمضي عينيكي كده وسيبي جسمك يتدلععععععع فى
الماية و عارفة لو تسدي ودانك و تستمتعي باحساس الماية وهي نازلة عليكي
بتلمسك كده واااااو بجد والله احساس تححححفة وبتبدأي يومك وانتى مبسوطة كده
تاخدي صابونة الكبريت و تغسلي منطقة الابط
وتحطي الشامبو على شعرك
و تجيبي اللوفة الناااعمة الوردة بتاعتك و تحطي شاور جيل ريحته وااااو كده وبالراحة خالص اغسلي جسمك و ادعكي كعبك بالحجر الخفاف
و اغسلي المنطقة الحساسة بصابونة ديتول
(هقتلك لو قلتيلي معندكيش صابونة ديتول بتاعت العناية الشخصية البمبي دي)
واتوضي وانتى بتستحمي
اقفلي الماية ولسه ماتنشفيش جسمك حطي عليه زيت جونسون التحححححححححححفة ده واعملي لنفسك ماساج جمييييييييييل
الله على الدلع
وسيبيه على جسمك وروحي عند الحوض حطي على وشك غسولك المفضل سواء " غارنييه .. ساينو بار ... جت فريش .... الخ ) و سيبيه على وشك
و اثناء كده اغسلي الاندر القديم اللى انتى قلعتيه اغسليه على ايدك عادي
بالصابون العادي ده و حطي نقققققققققققطة من داوني ... عارفاه اكيد اللى
بيخلي الهدوم ريحيتها وهم ده
و ايدك على المعجون و اغسلي سناااااااااانك
انا عارفة تلت ترباعكوا مابيغسلوش سنانهم الصبح
بجد حاجة مستفزززززززة جداااااااااااا قمة الاستفزاز دي
لازم يا جميل غسيل السنان ده قبل النوم و بعد الاكل واول ماتصحي من النوم لااااااااااااااازم
وبعدين خلاص اغسلي وشك
لو جسمك لسه عليه زيت بالراااااااااااحة طبطي على نفسك بالفوطة كده و البسي هدومك وحمام الهنااا يا جمييييييييييل ^^
اطلعي من الحمام حطي كريم النهار على وشك و زبدة كاكاو حلوة كده و رطبي ايديكي
ولو بجد رميتي الكسل واديتيله بالجزمة فوق دماغه و قررتي تعملي الشاور ده بالليل يبقى بجد بدأتي تتغيرييييييييي
ده طبعا الحمام اليومي لسه الحمامات التقيلة جااااية
***************
| |
|
